Reiseblogg frå Baphumelele og Cape Town: 5. skift på Baphumelele

onsdag 28. september 2011

5. skift på Baphumelele

Første dagen vår på skift nr 5 var søndag, og det var faktisk førsten gongen vi har vore på barneheimen ein søndag. Dermed fekk oss med oss søndagens "preike", som dei har kvar søndag utanfor Babyhuset. Ganske so ivrig "prest" kan ein seie....blei vel kanskje litt for mykje for våre sarte, norske sjeler, men oss tok vel ikkje noko skade av det :D

Anita og Moeketsi prøver nye sko før "preika" bjynd :)

Nina og Liyema :)

Elise med Anele, Liyema og Sanelisiwe-blei endeleg litt utetid sidan veret var varmt og godt!

Dagen etter var veret like bra, so det blei litt leik ute i sola idag også.

Zintle og Moeketsi tek middagen ute i det fri-og som dokke ser so er dei også rimeleg klare for ein middagskvil... :)

Middag smakar bedre ute i det fri!

I lunsjen var det klart for nok ein tur rundt om i leilighetene for å sjå om skoa passa denne gongen....

Etter lunsj var det klart for litt leik med ungane igjen. Her er det Zintle og Anele som tullar rundt på matta :)

Søstrene Asemathle og Zintle :)

Liyema :)

Patrick og Zintle :)

Trine og Zintle :)

Liphelo klar for rutsjebana!

Lithemba sjekkar om det skjer noko spennande utanfor barneheimen....

Kjekt med litt hjelp opp stigen til sklia :)

Fekk middag med Sisiane, smakte rett so gøtt! Snilde med oss er dei!

Anita måler foten til Fefakazi, sopass ho får sko som passar :)

Helsing til Rosie (grunnleggaren av Baphumelele) frå Elton John, som heng på veggen inne på Babyhuset.

Med dette var skift nr 5 over, og vi har berre eit skift att. Blir litt rart å skulle reise frå alle dei der ute...

Dagen idag har vi brukt til å gå oss ein tur og prøve å røyve litt på skrotten.....blei også ein tur på badestranda, for vi SKULLE ha oss ein dag på stranda før tida for heimreise kjem!! Skal ikkje skryte av at det var so veldig varmt-blei stort sett å ligge so langt ned i sanden som muleg for å unngå den kalde vinden-men no har oss iallefall vore der! :)

Utsikt mot Table Mountain og sentrum av Cape Town-veldig fin strand :)

1 kommentar:

Mor Løvlid sa...: Kjekt å høre nytt fra dokke. Ungane er berre nydelige...blir nok rart å reise fra dei..Men vi her heime gler oss veldig til dokke kjem heimatt.Kos dokke. Klem>3.; 28. september 2011 kl. 22:42

Legg inn en kommentar

Abonner på: Legg inn kommentarer (Atom)

Takk for at du tok turen innom bloggen vår for å følge med på reisa til Trine, Anita og Nina! Vi vil her prøve å legge ut bilete og ein del skriverier om kva vi opplever i løpet av våre seks veker i Cape Town, og slik vi ser for oss, vil det bli ein del :) Vi bestemte oss for å gjennomføre denne turen i januar, og det virka då som ei evigheit til vi skulle reise. No går vekene innmari fort, og før oss veit ordet av oss, set oss på flyet på veg til Cape Town, forventningsfulle, spente og heilt sikkert litt nervøse også.....

Vi skal jobbe på ein barneheim som heiter Baphumelele, som ligg i forstaden Khayelitsha, ca 20 km søraust for Cape Town. Her bur det 140-160 foreldrelause born i alderen 0-19 år, der svært mange av desse er HIV-positive. Mange barneheimar i Sør-Afrika tek ikkje imot born som er misbrukte eller HIV-positive, men denne barneheimen gjer det. Vi som jobbar som frivillige, vil i all hovudsak ta oss av born mellom 0-5 år. Arbeidsoppgåvene vil vere dagleg stell av borna, matlaging(her spørs det om Nina Ballerina har noko å bidra med....), aktivisering av borna, og elles trøst og omsorg for dei som treng det. Arbeidsdagen startar kl 07:00, og varer ca til kl 19:00. Vi jobbar tre dagar i strekk, for deretter å ha tre dagar fri. Når vi jobbar, bur vi på barneheimen. I friperiodane bur vi i eit frivilligheitshus saman med andre frivillige, som ligg litt nærare sentrum av Cape Town.

Vi jobbar alle tre på Stabburet på Stranda, der vi for ei tid tilbake sidan byrja å samle inn pengar til barneheimen. Vi såg for oss å få inn 3-4000 kr, som vi kunne bruke til å kjøpe klede og leiker til borna når vi kom ned til CT. Ei av kantinedamene våra kom med eit genialt forslag. Ho ville samle saman nokre kakebakarar, slik at ho kunne selge kakene i kantina på jobb for min. 20 kr pr stk, gjerne meir ;) Etter tre kakesalg, pluss andre donasjonar frå nokre kollegaer, fekk oss inn 12000!! Vi tek av oss hatten alle tre for verdas beste arbeidskollegaer, dokke er berre fantastiske!! I tillegg blei fabrikksjefen våra utfordra til å donere like mykje som vi hadde fått samla inn frå våre kjekke kollegaer. Også her møtte oss berre velvilje, og svaret blei ja! Einaste kriteriet som blei sett, var at vi ved allmøtet på Stabburet før jul skulle vise og fortelje kva vi hadde brukt pengane til, noko vi sjølvsagt vil gjere. Vi har då sum sumarum 24000 kr frå Stabburet som vi kan ta med oss ned og bruke på det dei treng mest på barneheimen. Vi har blitt forespeila at dei treng varmeomnar, madrasser, sengklede og nye vindu. Vi får sjå når vi kjem ned kva det er mest behov for.

Ingen av oss veit heilt kva som ventar oss der nede, sjølv om oss sjølvsagt har våre forestillingar på korleis det blir. Vi reknar med det vil bli opplevingar på både godt og vondt, og kjem nok heim med meir i bagasjen enn når vi reiste ned. Uansett vil det bli ein tur som vil gi oss erfaringar for resten av livet, og noko vi vil hugse so lenge vi lever :)