Reiseblogg frå Baphumelele og Cape Town: Sol og kino...

fredag 30. september 2011

Sol og kino...

Idag har dagen stort sett gått med til soling, soling og atter soling....må nytte anledninga når veret endelig ligg tilrette for litt bræsing! Utpå ettermiddagen blei det ein tur til kjøpesenteret i området her, der det blei siste middagen på favorittrestauranten vår-kjempegod mat der! :)

Trine og Nina ready to dig in!

Åssoooo må oss sjølvsagt vise fram billetten oss henta på Checkers, sopass oss er klare for årets konsertopplevelse-weeeee!!

Blir siste natta på frivilligheitshuset no, litt rart....tek laust på siste skiftet på barneheimen imorgon tidleg, det blir iallefall rart....og sikkert litt trist å seie hadet til ungane. Men vi skal iallefall kose oss skikkeleg dei tre siste dagane vi har der ute :) Mandag blir det tur på leikeland med alle ungane i Babyhuset, skal bli kjekt! Ha ei god helg alle saman, det skal vi ha :)

1 kommentar:

Mor Løvlid sa...: Koselig og god helg til dokke og. Bra dokke har fått litt smak av sommer. Kos dokke.Klem.; 30. september 2011 kl. 23:25

Legg inn en kommentar

Takk for at du tok turen innom bloggen vår for å følge med på reisa til Trine, Anita og Nina! Vi vil her prøve å legge ut bilete og ein del skriverier om kva vi opplever i løpet av våre seks veker i Cape Town, og slik vi ser for oss, vil det bli ein del :) Vi bestemte oss for å gjennomføre denne turen i januar, og det virka då som ei evigheit til vi skulle reise. No går vekene innmari fort, og før oss veit ordet av oss, set oss på flyet på veg til Cape Town, forventningsfulle, spente og heilt sikkert litt nervøse også.....

Vi skal jobbe på ein barneheim som heiter Baphumelele, som ligg i forstaden Khayelitsha, ca 20 km søraust for Cape Town. Her bur det 140-160 foreldrelause born i alderen 0-19 år, der svært mange av desse er HIV-positive. Mange barneheimar i Sør-Afrika tek ikkje imot born som er misbrukte eller HIV-positive, men denne barneheimen gjer det. Vi som jobbar som frivillige, vil i all hovudsak ta oss av born mellom 0-5 år. Arbeidsoppgåvene vil vere dagleg stell av borna, matlaging(her spørs det om Nina Ballerina har noko å bidra med....), aktivisering av borna, og elles trøst og omsorg for dei som treng det. Arbeidsdagen startar kl 07:00, og varer ca til kl 19:00. Vi jobbar tre dagar i strekk, for deretter å ha tre dagar fri. Når vi jobbar, bur vi på barneheimen. I friperiodane bur vi i eit frivilligheitshus saman med andre frivillige, som ligg litt nærare sentrum av Cape Town.

Vi jobbar alle tre på Stabburet på Stranda, der vi for ei tid tilbake sidan byrja å samle inn pengar til barneheimen. Vi såg for oss å få inn 3-4000 kr, som vi kunne bruke til å kjøpe klede og leiker til borna når vi kom ned til CT. Ei av kantinedamene våra kom med eit genialt forslag. Ho ville samle saman nokre kakebakarar, slik at ho kunne selge kakene i kantina på jobb for min. 20 kr pr stk, gjerne meir ;) Etter tre kakesalg, pluss andre donasjonar frå nokre kollegaer, fekk oss inn 12000!! Vi tek av oss hatten alle tre for verdas beste arbeidskollegaer, dokke er berre fantastiske!! I tillegg blei fabrikksjefen våra utfordra til å donere like mykje som vi hadde fått samla inn frå våre kjekke kollegaer. Også her møtte oss berre velvilje, og svaret blei ja! Einaste kriteriet som blei sett, var at vi ved allmøtet på Stabburet før jul skulle vise og fortelje kva vi hadde brukt pengane til, noko vi sjølvsagt vil gjere. Vi har då sum sumarum 24000 kr frå Stabburet som vi kan ta med oss ned og bruke på det dei treng mest på barneheimen. Vi har blitt forespeila at dei treng varmeomnar, madrasser, sengklede og nye vindu. Vi får sjå når vi kjem ned kva det er mest behov for.

Ingen av oss veit heilt kva som ventar oss der nede, sjølv om oss sjølvsagt har våre forestillingar på korleis det blir. Vi reknar med det vil bli opplevingar på både godt og vondt, og kjem nok heim med meir i bagasjen enn når vi reiste ned. Uansett vil det bli ein tur som vil gi oss erfaringar for resten av livet, og noko vi vil hugse so lenge vi lever :)