Reiseblogg frå Baphumelele og Cape Town: Fjelltur til Table Mountain

onsdag 31. august 2011

Fjelltur til Table Mountain

Idag har heile dagen gått med på fjelltur til Table Mountain. Fjellet ligg rett bak sentrum av Cape Town, og gir ei fantastisk utsikt i alle retningar. Anita på veg opp i solskin-heldigvis mykje bedre ver idag enn igår :)

Trine og Nina nesten oppe, og heldigvis har tåka letta ein god del.

Flatt og fint når vi kom opp! Gjekk ein tur oppe på platået for å sjå oss rundt, veit ikkje heilt kva det er Trine studerer her da men.... :)

Tre fornøgde damer på eine ustiktspunktet på Table Mountain, kjempefin tur!

Heldigvis forsvann tåka rett før vi skulle gå ned att, passa bra slik at oss fekk nyte den nydelige utsikta :)

Imorgon er det første arbeidsdagen vår på barneheimen, og vi er ganske so spente....gledar oss masse! Dokke vil ikkje høyre frå oss før vi er ferdige med dei tre dagane der ute, kjem tilbake søndag med nye oppdateringar :)

7 kommentarer:

Vera sa...: For ei herlig utsikt!
Døkke ser litt varmare ut i dag ja;)
Lykke til med jobben!
Gle me til å høyre om korleis møte med alle dei skjønne ungane bli!
KLem; 31. august 2011 kl. 22:21
Heidi sa...: Hei hei =)
Kjempekjekt å sjå kor dokke har det. Ser veldig flott ut. Gler meg til å høyre kor dokke har hatt det på "jobb". Lykke til. Klem.; 31. august 2011 kl. 22:33
Eivind sa...: Kjempeflott! Blir spanande å høre korleis det e på barneheimen. Tvi tvi!; 31. august 2011 kl. 22:35
Mor Løvlid sa...: Spreke damer på tur. Litt av ei utsikt.Blir spennande imorgon på jobb.Lykke til.Får håpe vi finn en pc på Rhodos så vi får oppdatere oss på kor dokke har det. Klem til dokke.; 31. august 2011 kl. 22:39
Torill sa...: Kor flott der var ;) Spennande dag i morga , ja ;) Masse lykke til <3; 31. august 2011 kl. 23:35
Bjørnhild sa...: Såg ut som det var litt varmere i dag ja. Flott tur og den utsikta! I dag var det faktisk godt og varmt her også, må det berre vare. Lykke til i morgon damer, det blir spennande, klem:); 31. august 2011 kl. 23:46
Torebror.... sa...: Lykke til!!! Håper dåkke har det bra. Kjøp med gave til meg!!!; 1. september 2011 kl. 22:04

Legg inn en kommentar

Takk for at du tok turen innom bloggen vår for å følge med på reisa til Trine, Anita og Nina! Vi vil her prøve å legge ut bilete og ein del skriverier om kva vi opplever i løpet av våre seks veker i Cape Town, og slik vi ser for oss, vil det bli ein del :) Vi bestemte oss for å gjennomføre denne turen i januar, og det virka då som ei evigheit til vi skulle reise. No går vekene innmari fort, og før oss veit ordet av oss, set oss på flyet på veg til Cape Town, forventningsfulle, spente og heilt sikkert litt nervøse også.....

Vi skal jobbe på ein barneheim som heiter Baphumelele, som ligg i forstaden Khayelitsha, ca 20 km søraust for Cape Town. Her bur det 140-160 foreldrelause born i alderen 0-19 år, der svært mange av desse er HIV-positive. Mange barneheimar i Sør-Afrika tek ikkje imot born som er misbrukte eller HIV-positive, men denne barneheimen gjer det. Vi som jobbar som frivillige, vil i all hovudsak ta oss av born mellom 0-5 år. Arbeidsoppgåvene vil vere dagleg stell av borna, matlaging(her spørs det om Nina Ballerina har noko å bidra med....), aktivisering av borna, og elles trøst og omsorg for dei som treng det. Arbeidsdagen startar kl 07:00, og varer ca til kl 19:00. Vi jobbar tre dagar i strekk, for deretter å ha tre dagar fri. Når vi jobbar, bur vi på barneheimen. I friperiodane bur vi i eit frivilligheitshus saman med andre frivillige, som ligg litt nærare sentrum av Cape Town.

Vi jobbar alle tre på Stabburet på Stranda, der vi for ei tid tilbake sidan byrja å samle inn pengar til barneheimen. Vi såg for oss å få inn 3-4000 kr, som vi kunne bruke til å kjøpe klede og leiker til borna når vi kom ned til CT. Ei av kantinedamene våra kom med eit genialt forslag. Ho ville samle saman nokre kakebakarar, slik at ho kunne selge kakene i kantina på jobb for min. 20 kr pr stk, gjerne meir ;) Etter tre kakesalg, pluss andre donasjonar frå nokre kollegaer, fekk oss inn 12000!! Vi tek av oss hatten alle tre for verdas beste arbeidskollegaer, dokke er berre fantastiske!! I tillegg blei fabrikksjefen våra utfordra til å donere like mykje som vi hadde fått samla inn frå våre kjekke kollegaer. Også her møtte oss berre velvilje, og svaret blei ja! Einaste kriteriet som blei sett, var at vi ved allmøtet på Stabburet før jul skulle vise og fortelje kva vi hadde brukt pengane til, noko vi sjølvsagt vil gjere. Vi har då sum sumarum 24000 kr frå Stabburet som vi kan ta med oss ned og bruke på det dei treng mest på barneheimen. Vi har blitt forespeila at dei treng varmeomnar, madrasser, sengklede og nye vindu. Vi får sjå når vi kjem ned kva det er mest behov for.

Ingen av oss veit heilt kva som ventar oss der nede, sjølv om oss sjølvsagt har våre forestillingar på korleis det blir. Vi reknar med det vil bli opplevingar på både godt og vondt, og kjem nok heim med meir i bagasjen enn når vi reiste ned. Uansett vil det bli ein tur som vil gi oss erfaringar for resten av livet, og noko vi vil hugse so lenge vi lever :)